一支公今日同大家嚟到牛頭角食拉麵。
由於拉麵通常鹽份比較高，最適合係返完成日工想補充吓體力嘅朋友嚟食(特別係需要體力勞動嘅工作)。
雖然一支公返工就唔洗體力勞動，不過每次食完拉麵都會有種好滿足嘅感覺，所以都幾鍾意周圍走，搵啲唔同嘅拉麵舖試吓。
雖然菜單紙無得揀麵質，全部要由師傅決定，煮出嚟嘅麵質偏硬，食正一支公嘅口味，搭配濃湯就算硬身直條麵都好夠味。反而麵嘅數量相對於叉燒略嫌比較少，食到後面要齋食叉燒，搞到有啲到喉唔到肺嘅感覺。
一支公舒適度：4/5
一支公抵食度：3.5/5
一支公好味道：4/5
雖然一支公返工就唔洗體力勞動，不過每次食完拉麵都會有種好滿足嘅感覺，所以都幾鍾意周圍走，搵啲唔同嘅拉麵舖試吓。
 |
| 一支公坐吧枱，夠晒舒服自在 |
相信有食開拉麵嘅朋友都知道，正宗嘅拉麵舖係會比冰水/茶你，等你食麵嘅時候可以緩和返拉麵濃厚嘅味道，同時幫口腔降溫加快食麵嘅速度，咁碗麵就唔會因為變淋而影響味道，所以坐低嘅時候見到有冰水心入面都加咗唔少分。
一支公最近出咗花紅，所以今次就好捨得叫左全店最貴嘅濃厚真．叉燒拉麵加隻半熟蛋，店家自稱所有叉燒都係低溫慢煮，每日只限二十碗，承惠$108。不過一支公夜晚7點半左右先嚟到都有得食，證明都唔係話好多人食呢款。
大概有七至八塊半隻手掌大細嘅薄叉燒將成個碗密舖，麵都睇唔到條，食肉獸應該會好開心。
而啲叉燒因為係低溫煮所以仲係好紅下，對於一支公嚟講其實都算係一個心理關口，因為平時都比較少食生野，所以食果陣都浸多陣湯等嚿叉燒無咁紅先敢放落口。食落去雖然未至於入口即溶，不過食落係比較嫩口，而且脂肪同肉嘅比例唔錯，食落有驚喜。
令一支公最有驚喜嘅係隻半熟蛋，一啖咬落去仲有好多蛋汁咇出嚟，唔似出面其他拉麵舖好多時都煮過龍，蛋汁一早凝固晒。
其實牛頭角嘅丸京係分店，礙於地點問題，一支公仲未試過係葵芳嘅本店，唔知兩間舖頭出品會唔會有分別。下次有緣路經本店附近一定會去試埋清湯順便寫返個包膠同大家分享。
一支公舒適度：4/5
一支公抵食度：3.5/5
一支公好味道：4/5
沒有留言:
張貼留言